Հայաստանը նախագահել է ՄԱԿ և մարդու իրավունքների տարածաշրջանային մեխանիզմների միջև համագործակցության ընդլայնում» թեմայով սեմինարի աշխատանքային քննարկումը

13 դեկտեմբերի, 2012

Իր բացման խոսքում ՀՀ ներակայացուցիչը նշեց, որ կանանց իրավունքների պաշտպանությունը Մարդու իրավունքների խորհրդի ուշադրության կենտրոնում գտնվող հիմնական և առաջնային նշանակության թեմաներից է և կարևորեց հասարակական կազմակերպությունների և ազգային հաստատությունների դերը կանանց իրավունքերի պաշտպանության հարցում, ինչպես նաև դրանց ու ՄԱԿ-ի և տարածաշրջանային մեխանիզմների միջև համագործակցության անհրաժեշտությունը:

Սեմինարը կազմակերպվել էր Մարդու իրավունքների խորհրդի հինգ տարածաշրջանային խմբերը ներկայացնող Բելգիայի (արևմտաեվրոպական խումբ), Հայաստանի (արվելաեվրոպական խումբ), Թայլանդի (Ասիական խումբ), Մեքսիկայի (Լատինամերիկյան խումբ) և Սենեգալի (Աֆրիկայի խումբ) համատեղ համահեղինակած բանաձևի շրջանակներում:

Սեմինարին մասնակցում էին ՄԱԿ-ի անդամ պետությունների, տարածաշրջանային կազմակերպությունների, ՄԱԿ-ի հատուկ ընթացակարգերի, պայմանագրային մարմինների, ինչպես նաև հասարակական կազմակերպությունների և մարդու իրավունքների պաշտպանության ազգային հաստատությունների ներկայացուցիչներ: Սեմինարի երեք օրերի ընթացքում թեմատիկ քննարկումները նվիրված էին ՄԱԿ-ի և տարածաշրջանային մեխանիզմների միջև համագործակցության երեք ուղղությունների` տեղեկատվության փոխանակման, համատեղ գործունեության և նախկին հանձնառությունների կատարման համար կոնկրետ առաջարկությունների մշակմանը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր